Tramp tərəfindən bağlanan ABŞ-nin climate.gov saytı qeyri-kommersiya təşkilatı tərəfindən yenidən istifadəyə verildi

On ildən çoxdur ki, ABŞ hökümətinin tədqiqatçıları və hökümətin maliyələşdirdiyi proqramlar hərtərəfli analizlərdən və nəhəng məlumat bazasından tutmuş ictimaiyyəti məlumatlandıran sadə izahlara qədər çox böyük həcmdə iqlim resursları yaradıb. Və hökümət daxilində çalışan şəxslər bunu hamı üçün əl çatan etmək üçün climate.gov saytını yaratdılar.

Lakin siz bu gün sayta girməyə çalışdıqda Milli Okean və Atmosfer Administrasiya səhifəsinə yönləndirirlib aşağıdakı mesajla qarşılaşacaqsınız.

14303 saylı İcra Sərəncamına (Qızıl Elmi Standart bərpası), Ağ Evin Elm və Texnologiya Siyasəti İdarəsinin 23 iyun 2025-ci il tarixli memorandumuna (Elmi fəaliyyətlərin həyata keçirilməsi və idarə olunmasında Qızıl Standart Elmin tətbiqi üzrə rəhbərlik agentliyi), 15 USC § 2904 (Milli İqlim proqramı), 15 USC § 2934 ( Milli Qlobal Dəyişiklik Tədqiqat Planı) və 33 USC § 893a (NOAA Okean və Atmosfer Elm Təhsil Planı) uyğun olaraq NOAA.gov saytına yönləndirilmisiniz.  Əvvəllər Climate.gov saytında yerləşdirilmiş gələcək tədqiqat nəticələri NOAA.gov/climate və onun tərəfdaş saytlarında əlçatan olacaqdır.

Climate.gov saytı qalıcı olaraq silindi, saytı silən komanda bunu iqlim tədqiqatının güya hökümət administrasiyanın “Qızıl Elmi Standart” adlandırdığı meyarlara uyğun olmadığı ilə izah etmişdilər.

Lakin climate.gov saytını yaradan şəxslər təslim olmadılar. Hökümət əlverişsiz hesab etdiyi iqlim məlumatlarını silərkən, fədakar könüllülər federal hökümətin müəllif hüququ tanımadığı materialın çox hissəsinin kopyasını qorumağı bacarmışdılar.

Könüllülər və əvvəlki climate.gov saytının administratorları bir araya gələrək climate.us saytını istifadəyə verdilər. Çərşənbə axşamı komanda climate.gov saytı istifadəyə bağlanarkən itirilmiş bütün məlumatları bərpa edən bir layihənin tamamlanmış olduğunu elan etdilər.

Sayt Climate.gov saytında 15 illik iqlim xəbərləri və reportajları, ekspert bloqları, əsas iqlim göstəricilərinin əyanı statusunun hesabatları, xəritələr və məlumat bazalarına keçidlər, iqlim haqqında maarifləndirmə resursları, tədris materialları və Beşinci Milli İqlim Müqaviləsinə barpa olunmuş keçidi yer alır.

Layihənin arxasında duran komanda - Climate.gov saytını yaradan əsas şəxslər  itirilmiş məlumatların təkcə bərpası ilə kifayətlənməyəcəklər. Yeni saytı qorumaq üçün yaranmış qeyri-kommersiya təşkilatı diqqətini ictimaiyyətə uzunmüddətli xidmətə yönəldəcək. Təşkilat yeni resurslar yaratmağı və ictimaiyyətə iqlim dəyişikliyini izahına kömək edən əlavə materialları inkişaf etdirməyi planlaşdırır.

Mənbə:arstechnica.com