Üç əsrdir işləyən qapan-tərəzi: hələ də çürüməyib

Üç əsrdir işləyən qapan-tərəzi: hələ də çürüməyib

 

Qaxın İlisu kəndində üç əsrə yaxın yaşı olan qədim qapan-tərəzi hələ də işlək vəziyyətdədir.

Oxu.Az-ın bölgə müxbiri xəbər verir ki, kənddə tarixi bir dəyirmanda yaşı təqribən 250-dən çox olan qapan-tərəzi bu günə qədər qorunub saxlanılır.

Tərəzi yükü tam dəqiq çəkmə qabiliyyətinə malikdir. İlisu kəndində yerləşən dəyirman isə ötən əsrin ortalarında tikilib. Tikildiyi ildən də fəaliyyətdədir.

Dəyirmançı bu qapanın yaşının bəlkə də daha çox olduğunu ehtimal edir. Üç hissədən ibarət qapan palıd ağacından hazırlanıb və bu günə qədər çürüməyib. Qapanın digər iki hissəsi dəmir və misdən olsa da, əl əməyindən istifadə edilməklə düzəldilib.

Dəyirmançı bu qapanı göz bəbəyi kimi qoruyub saxladığını bildirir.