Uşaq bağçasında mənimsəmə - Cinayət işi açıldı

Yevlax rayon Qaraməmmədli kənd körpələr evi və uşaq bağçasına ayrılan pullar mənimsənilib.

Ens.Az-ın məlumatına əsasən,bu barədə “Qafqazinfo”ya Yevlax Rayon Prokurorluğundan məlumat verilib.

Bildirilib ki, araşdırma zamanı 2020-2024-cü illlərdə bağçanın maddi bazası imkan vermədiyi halda əlavə qrup təşkil olunmaqla qanunla nəzərdə tutulmayan vəzifələrdə çalışan işçilərə əməkhaqqı ödənilməsi, ərzaq məhsullarının əsassız olaraq məxaricə silinməsi və digər qanunsuz yollarla xeyli miqdarda dövlət əmlakının mənimsənilməsi və israf edilməsinə əsaslı şübhələr müəyyən edilib.

Fakta görə rayon prokrurorluğunda Cinayət Məcəlləsinin 179.2.3 və 179.2.4-cü (qulluq mövqeyindən istifadə etməklə və xeyli miqdarda ziyan vurmaqla mənimsəmə və ya israf etmə) maddələrilə cinayət işi başlanıb.

İstintaq davam edir.