ÜST-ün baş direktoru Azərbaycana təşəkkür edib
Ümumdünya Səhiyyə Təşkilatının (ÜST) baş direktoru Tedros Adanom Gebreyesus Azərbaycana təşəkkür edib.
APA-nın məlumatına görə, bu barədə o, Azərbaycan Prezidenti İlham Əliyevin təşəbbüsü əsasında Türk Şurasının videokonfrans vasitəsilə keçirilən fövqəladə Zirvə görüşündə bildirib.
"COVID-19 Strateji Hazırlıq və Reaksiya Planımıza dəstək verən bütün üzv dövlətlərə və tərəfdaşlarımıza təşəkkür etmək istəyirəm. 800 milyon dollara qədər maliyyə dəstəyi verilib. Xüsusilə, beş milyon dollar dəyərində yardımla bu işə öz töhfəsini verən Azərbaycan hökumətinə və xalqına təşəkkür edirəm", - deyə Zirvə görüşünə qatılan ÜST rəhbəri bildirib.
O qeyd edib ki, Türkiyənin Avropadakı qonşularına zəruri tibbi ləvazimatlar göndərərək dəstək verməsi də təqdirə layiqdir.
Şərhlər
Şərhləri göstər Şərhləri gizlət