Vaqif Əsədov: “Sarı zolaq”la bağlı sürücülərə protokol yazılmayıb"

"Baku-2019 - Avropa Gənclər Yay Olimpiya Festivalı ilə bağlı bəzi küçə və prospektlərdə tətbiq edilmiş “sarı zolaq” qadağası qüvvədən düşüb”. 

Bunu APA-ya Bakı Şəhər Dövlət Yol Polisi İdarəsinin İctimaiyyətlə Əlaqələr Şöbəsinin rəisi, polis polkovniki Vaqif Əsədov deyib. 

O qeyd edib ki, bir neçə fakt istisna olmaqla, “sarı zolaq”la bağlı sürücülərə hər hansı bir inzibati protokol tərtib olunmayıb: “Bu da o deməkdir ki, sürücülər paytaxtımızda keçirilən tədbirinin əhəmiyyətini düzgün qəbul edərək polislə həmrəylik nümayiş etdirib. Buna görə bütün sürücülərimizə təşəkkür edirik”.