Yunanıstanda iyulun 7-də parlament seçkiləri keçiriləcək

Yunanıstanda iyulun 7-də vaxtından əvvəl parlament seçkiləri keçiriləcək.

Trend-in məlumatına görə, bu barədə ölkə hökumətinin rəsmi nümayəndəsi Dimitris Tzanakopulos deyib.

Onun sözlərinə görə, baş nazirin Aleksis Tsiprasın qərarı ondan ibarətdir ki, məktəb imtahanlarına müdaxilə etməmək üçün parlament seçkiləri iyulun 7-də keçiriləcək.

D.Tzanakopulos, həmçinin bildirib ki, bunun üçün A.Tsipras iyunun 10-da Yunanıstan prezidenti Prokopis Pavlopulos ilə görüşəcək.