1 kilo arıqlamaq üçün neçə saat yeriyək?

İnsanlar orta templə yeriyərək saatda 400 kalori verdiklərini düşünürlər. Bu, 2 saata 800, 4 saata 1600, 18 saata 7200 kalori yandıracaqları qənaətinə gəlir. Bədəndəki 1 kq yağı əritmək üçün lazım olan kalori miqdarı da 7200-dür. Başqa sözlə desək, 1 kilo arıqlamaq üçün 18 saat yerimək lazımdır.

Təbii ki, yeriməyin metabolizmanı sürətləndirmək təsirinin bütün günə yayılaraq orta hesabla 200 kaloridən artıq enerji xərcləməyini hesab etmirik. Yəni, bunu da hesaba qatsaq, orta hesabla 12 saat yerimək lazım olduğu ortaya çıxır. Gündə 1 saat yeriyən adamın ayda 3 kilo arıqladığı ortaya çıxır.

Qaçaraq arıqlamanın faydaları

Mütəxəssislər də dönə-dönə qeyd edirlər ki, yerimək və qaçmaq insan ömrünü uzadır. Bunu nizamlı olaraq proqram formasına salsanız, istəyinizə daha yaxşı nail olarsınız. Sadə, lakin güvənli olan bu məşq üsulu sizə yormayacaq və üstəlik arıqlamağınıza da kömək edəcək. Yerimək, qaçmaq edə biləcəyiniz ən sadə məşq hərəkətləridir. Bu idman növü sümüklərinizi möhkəmləndirəcək, çəkinizə, ağciyər və ürək sağlamlığınıza nəzarət etməyinizə kömək olacaq. Araşdırmalar həftədə təxminən 20-25 kilometr yeriyən insanların yeriməyən insanlara nisbətən daha uzunömürlü olduqlarını sübut edib. Bununla yanaşı, arıqlamaq və çəki atmaq üçün də bədənin yeriməyə çox ehtiyacı var.

Qaçışlarla bağlı maraqlı məlumatlar

Hər bir yerişin dəqiqəsi ömrünüzü 1,5-2 saat uzadır. Bu da sizin bir daşla iki quş vurmanız deməkdir. Hər gün 20 dəqiqə yerimək 7 kq arıqlamaq deməkdir. Sadəcə bir paket şirin konfeti əritmək üçün bir futbol sahəsi qədər yeri piyada gəzməlisiniz. Gələn dəfə əlinizə konfet alanda bu faktı yadınıza salın. Çünki təsirli arıqlamaq üçün gəzməklə yanaşı yediklərinizə və kaloriyə də diqqət etməlisiniz.

Uzun müddət və tez-tez yerimək arıqlamaq üçün ən yaxşı üsuldur (ürək ritmi 40 dəqiqədə 60-65 faiz arası dəyişdiyi halda). Qısa, lakin sürətli yerimək isə ürək və ağciyər üçün yaxşı vasitədir (2025 dəqiqə gəzdikdə ürək ritminiz 75-85 faiz arası olduqda).

Yeriməyin xeyirli tərəfləri:

1. Ürək və ağciyərlərin işini artırır

2. Artıq yağların yandırılmasına kömək edir

3. İstirahət edərkən belə, arıqlamağı təmin edəcək şəkildə metabolizmanın sürətini artırır

4. Yemək istəyinə, iştahın idarə edilməsinə kömək olur

5. Enerji verir

6. Stressdən uzaqlaşmağa kömək edir

7. Yaşlanmanı gecikdirir

8. Qandakı xolesterol səviyyəsini azaldır

9.Yüksək təzyiqi aşağı salır

10. Şəkər xəstəliyini normada saxlamağa və qarşısını almağa kömək edir

11. Döş, prostat, mədə-bağırsaq kimi bəzi xərçəng növləri riskini azaldır

12. Ürək infarktı və iflic kimi narahatlıqlar üçün reabilitasiyanı təmin edir

13. Bağırsaqların işləməsini nizamlayır

14. Yuxu nizamına kömək edir

15. Ayaq və bud hissəsindəki əzələlərin güclənməsinə kömək edir

16. Sümük güclənməsini təmin edir. Xüsusən yaşlı qadınlarda müşahidə edilən sümük əriməsi riskini azaldır

17. Hərəkətsizliklə bağlı olaraq yaranan oynaq sərtliyini azaldır

Mənbə: Gəncailə.az