1 milyondan çox zərərli e-poçtun dövlət orqanlarına göndərilməsinin qarşısı alınıb - Dövət Xidmətinin rəisi

“Statistik göstəricilər onu göstərir ki, sosial şəbəkə vahidlərinin sayının artması istifadəçilərə qarşı kiberhücumların artmasına zəmin yaradır. Bu da, sözsüz ki, sosial şəbəkə istifadəçiləri üçün ciddi problem yaradır”.

Ens.az Trend -ə istinadən xəbər verir ki,bunu Xüsusi Rabitə və İnformasiya Təhlükəsizliyi üzrə Dövlət Xidmətinin rəisi İlqar Musayev "Media savadlılığı" konfransında çıxışı zamanı deyib.

"Biz dövlət xidməti olaraq, mütəmadi şəkildə dövlət orqanlarının informasiya sistemində monitorinqlər edir, onların təhlükəsizliyi istiqamətində qiymətləndirmələr aparırıq. Bu baxımdan, cari il ərzində 1 milyon 400 mindən çox zərərli elektron poçtun dövlət orqanları və əməkdaşlarına göndərilməsinin qarşısının alındığını deyə bilərəm.

Ölkəmizdə informasiya təhlükəsizliyinin cari vəziyyəti daha da gücləndirilir. Həyata keçirilən müxtəlif tədbirlər buna töhfə verir", - İlqar Musayev bildirib.