![190 manat birdəfəlik ödəmənin verilməsinə başlanılıb - RƏSMİ](https://ens.az/images/news/190-manat-birdefelik-odemenin-verilmesine-baslanilib-resmi.jpg)
190 manat birdəfəlik ödəmənin verilməsinə başlanılıb - RƏSMİ
Birdəfəlik ödəmənin (190 manat) verilməsinə başlanılıb.
Bu barədə Əmək və Əhalinin Soisal Müdafəsi Nazirliyinin mətbuat katibi Fazil Talıbov məlumat verib. O bildirib ki, sərtləşdirilmiş xüsusi karantin rejiminin tətbiq olunduğu 13 şəhər və rayon üzrə birdəfəlik ödəmə (190 manat) almaq hüququ yaranan şəxslərə bu gündən etibarən vəsaitlərin verilməsinə başlanılıb:
“Vəsait vətəndaşların may ayında birdəfəlik ödəməni almaq üçün banklar tərəfindən verilən kartlara köçürülür. Ödəmənin verilməsinin sabah gün ərzində tam olaraq yekunlaşdırılması planlaşdırılır.
Qeyd edim ki, birdəfəlik ödəmə aprel-may ayları üzrə 190 manat almaq üçün onlayn müraciət edərkən qeyd etdiyi faktiki yaşayış ünvanı Bakı, Cəlilabad, Gəncə, Masallı, Mingəçevir, Sumqayıt, Yevlax şəhərlərinə və Abşeron, Bərdə, Goranboy, Göygöl, Xaçmaz, Salyan rayonlarından olan 278 min işsiz və xüsusi karantin rejimində işini itirən qeyri-formal çalışan aztəminatlı şəxsləri əhatə edir”.
Şərhlər
Şərhləri göstər Şərhləri gizlət