6 yaşlı uşaq atasının PayPal hesabından istifadə edərək 25 min dollara yük maşını aldı

 Altı yaşlı oğlunun  PayPal hesabından istifadə edərək eBay-dan çox bahalı bir  maşın  aldığı Məhəmməd Farraji, indi bank kolleksiyaçıları tərəfindən təqib  olunduğunu bildirib. Məlumata görə,  sazişin  bütün iştirakçılarının maliyyə sistemləri, böyüklərin xəbəri olmadan uşaq tərəfindən həyata keçirilmiş 24.800 dollar məbləğindəki əməliyyatın ləğv edilməsindən imtina edir.

 45 yaşlı Məhəmməd deyir ki, hadisə  mart ayında baş verib. Məsələ burasındadır ki, 29 mart oğlu Arionun doğum günüdür və 28 martda oğlan atasının yanına gələrək  yük maşını (böyük avtomobil, ən nəhəng təkərləri olan pikap maşını, bu cür avtomobillər tez-tez yol yarışlarında iştirak edir) istədiyini deyib . Atası uşağın sözlərinə o qədər də əhəmiyyət verməyib,  çünki oğlu çoxdan bu sinif maşınlara pərəstiş edirmiş və onda  bu cür oyuncaqlardan çox imiş.

  Məhəmməd indi xatırlayır ki, bir anlıq diqqəti yayınıb və noutbukdakı girişini nəzarətsiz qoyub.  Kompüteri eBay-da onlayn alış-verişlə məşğul olan oğlu Ario istifadə edib və tez bir zamanda bəyəndiyi avtomobili tapıb.  Bundan əlavə, oğlan , şifrə və loqinin də aktiv olduğu atasının PayPal hesabından alış- veriş üçün necə ödəniş etmək lazım  olduğunu dərhal  anlayıb.

 Atası satınalma barədə dərhal bilməyib, yalnız kollektorlar onunla maraqlandıqda bundan xəbər tutub.  Kişinin dediyinə görə, nə eBay, nə də PayPal onun poçt ünvanına  satınalma barədə bildiriş göndərməyib. Onlar, satınalmanın təsadüfən və bir uşaq tərəfindən edildiyi ilə bağlı izahları qəbul etmiyiblər və platformaları vasitəsilə yük maşınını satan şəxslə birbaşa əlaqə qurmağı məsləhət görüblər.

 Problem həm də ondan ibarətdir ki, Məhəmmədin hesabında 25 min dollar olmayıb. O, PayPal - ı 20 dollardan kiçik məbləğdə birdəfəlik alış-veriş üçün istifadə etdiyini söyləyir.  Adam hər iki onlayn sistemin heç bir şəkildə bu qədər ciddi bir məbləğ üçün etdiyi əməliyyatlar barədə xəbərdar etməməsinə və özünün  borclu olmasına görə  çox qəzəblənir . Vəziyyəti, avtomobilini altı yaşlı uşağa "satan"  fiziki şəxsin də müqaviləni ləğv etməkdən imtina etməsi daha da çətinləşdirir.

Mənbə: mel.fm