ABŞ Müdafiə Naziri Ostin: “25 mindən çox qadın və uşaq ölüb”

ABŞ Müdafiə naziri Lloyd Austin ötən gün Nümayəndələr Palatasının Silahlı Qüvvələr Komitəsində keçirilən iclasda Qəzzada nə qədər qadın və uşağın öldürüldüyü sualına: “25 mindən çox”, - deyə cavab verib.

Ens.az Bizimyol.info-a istinadən xəbər verir ki,Pentaqon daha sonra açıqlama verib və bunların HƏMAS-ın nəzarətində olan səhiyyə nazirliyinin rəqəmləri olduğunu vurğulayıb.

ABŞ müvəqqəti atəşkəs və girov mübadiləsini təmin etmək üçün vasitəçilik edərkən, Ostinin Qəzzadakı itkilərlə bağlı açıqlaması ciddiliyi bir daha ortaya qoyub. Pentaqonun mətbuat katibinin müavini Sabrina Sinq nazirin sözləri ilə bağlı açıqlama verib: "O, HƏMAS-ın nəzarətində olan səhiyyə nazirliyinin Qəzzada 25 mindən çox fələstinlinin öldürüldüyünə dair hesablamalarına istinad edib", - deyə bildirib.

ABŞ prezidenti Co Bayden qida, su və dərman qıtlığı ilə üzləşən Qəzzaya hava yolu ilə yardım paylamağa başlayacaqlarını açıqlayıb. İordaniya, quru yardımının demək olar ki, tamamilə dayandığı Qəzzaya hava yardımına rəhbərlik edir. Fransa da İordaniyanın yardım missiyalarında iştirak edir. Ağ Evin Milli Təhlükəsizlik müşaviri Con Kibri bölgəyə daha çox yardımın çatması üçün dəniz dəhlizinin açılmasının gündəmdə olduğunu və bunun üçün Cənubi Kipr limanlarından istifadə edilə biləcəyini bildirib.