ABŞ tarixində ilk dəfə türk əsilli şəxs bələdiyyə sədri seçilib

ABŞ tarixində ilk dəfə türk əsilli şəxs bələdiyyə sədri seçilib

ABŞ tarixində ilk dəfə türk əsilli şəxs bələdiyyə sədri seçilib. 

“Report” “Aksham”a istinadən xəbər verir ki, məlumatı Türkiyənin Nyu-Yorkdakı Baş Konsulluğu yayıb.

ABŞ-ın hakim Respublikaçılar Partiyasının üzvü olan türk Tayfun Selen Nyu-Cersi ştatının Çatam rayonunun bələdiyyə sədri vəzifəsini tutacaq. O, 2017-ci ildə Çatam Bələdiyyə Komitəsinə üzv seçilib. Yanvarın 3-də komitə üzvləri arasında bələdiyyə sədri seçkisi keçirilib. Səsvermə nəticəsində T.Selen qalib gəlib. 

Qanuna əsasən, 3 il fəaliyyət göstərən 5 üzvdən ibarət Bələdiyyə Komitəsini yerli sakinlər seçir. Bələdiyyə sədri isə komitə üzvləri arasından müəyyənləşir.  

Qeyd edək ki, T.Selen ABŞ-ın hakim Respublikaçılar Partiyasının üzvüdür. O, 15 ildir Çatam sakinidir. T.Selein İstanbul Texniki Universitetinin Memarlıq fakültəsini bitirib.