Amerikalının "Mən Allaham" avtomobil nömrəsi uğrunda mübarizəsi

Ens.az xəbər verir ki, ABŞ sakini Benni Hart 12 il ərzində maşınını IM GOD nömrəsi ilə sürmüş, ancaq başqa bir ştata köçdükdə ona eyni cür nömrə verməkdən imtina etmişlər. Hart bununla bağlı məhkəməyə müraciət etmiş, nəticədə həm sevimli nömrəsini, həm də 150 ​​min dollar təzminat alaraq işi udub.

2016-cı ildə 80 yaşlı bu amerikalı həyat yoldaşı ilə Ohayodan Kentukiyə köçüb. Yeni yaşayış yerində Hart dəyişiklik etməməyi və və Ohaya ştatındakı nömrəsini - IM GOD və ya "Mən Allaham" yazısı ilə - sifariş verməyi qərara alır.

Amerika qanunları avtomobil nömrələrini o də qədər ciddi şəkildə tənzimləmir: ABŞ-da ədəbsiz və təhqiredici ifadələr olmadıqda vətəndaşa istədiyi hərflərin birləşməsi ilə nömrə lövhəsi sifariş etməyə icazə verilir.

Kentukki səlahiyyətliləri IM GOD məsələsində əlavə mətnaltı məna görüblər və dairə katibi bu cür yazı olan lövhənin "uyğunsuz" olduğunu və qanunu pozduğunu söyləyərək Hartın istəyini rədd edib.

O, həmçinin nömrə üzərindəki belə bir yazının çox diqqət cəlb etdiyini, digər sürücülərin fikrini yayındıracağını və hətta qarşıdurmalara səbəb ola biləcəyini də əlavə edib.

Nəticədə, Hart məhkəməyə müraciət edib. Onun vəkili daha əvvəl Kentukkidə bənzər hərf birləşmələri ilə bir sıra nömrələrin olduğunu söyləyib: THX God, MY God, HES God, IM4 God, PRZ God və LUV God. Nədənsə bu işarələr hakimiyyət orqanlarında heç bir etiraza səbəb olmayıb.

Keçən ilin noyabrında məhkəmə qərara aldı ki, IM4 GOD və LUV GOD kimi nömrələrin verilməsinə icazənin olması, amma IM GOD nömrəsinə qadağa qoyulması qərəzli münasibətdən xəbər verir, eləcə də "Cənab Hartın Birinci düzəlişlə zəmanət verilən hüquqlarını pozub.

Beləliklə, məhkəmə amerikalıya 150.7 min dollar ödəməyi qərara aldı. Ancaq bu pulun çox hissəsi vəkilin ödənişinə gedəcək və Hart istədiyi nömrəyə qovuşacaq.

Mənbə: autorambler.ru