"Asan"a getmək istəyənlər üçün qeydiyyatın 3 asan üsulu
Vətəndaşlar kütləvi toplaşmanın qarşısını almaq üçün əvvəlcədən növbə almalıdırlar.
Yenicag.az xəbər verir ki, bunu karantin dövründə “ASAN xidmət” mərkəzlərinin fəaliyyət qaydaları ilə bağlı mətbuat konfransıda Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev deyib.
O bildirib ki, bunun üçün 3 imkan yaradılıb.
1.Hər kəs ağıllı telefonlarda “Asan xidmət” mobil tətbiqindən isitifadə edə bilər. Vətəndaşlar seçdiyi mərkəz üzrə növbə götürə bilərlər. Onlar mərkəzə gəlib gözləmədən xidməti alacaqlar.
2. asan.gov.az saytı vasitəsilə onlayn növbə götürə bilərlər. Vətəndaş sabahkı gün üçün özü vaxtı müəyyənləşdirə bilər. Cari gün üçün isə sistem avtomatik vaxtı təyin edir.
3. Çağrı Mərkəzinə -108-ə zəng vurub növbə götürməkdir.
Sədr vurğulayıb ki, qabaqcadan növbə götürməyənlər mərkəzə buraxılmayacaq.
Şərhlər
Şərhləri göstər Şərhləri gizlət