![Astara çayı üzərində avtomobil körpüsü və piyada keçidinin tikintisi müzakirə olunur](https://ens.az/images/news/2a5fd2855c9e8835a744e483bde30bea.jpg)
Astara çayı üzərində avtomobil körpüsü və piyada keçidinin tikintisi müzakirə olunur
Astara çayı üzərində avtomobil körpüsünün və piyada keçidinin tikintisi haqqında saziş müzakirə mərhələsindədir.
Trend-in məlumatına görə, bunu bu gün Bakıda keçirilən Azərbaycan Respublikası ilə İran İslam Respublikası arasında iqtisadi, ticarət və humanitar sahələr üzrə Dövlət Komissiyasının 13-cü iclasında iqtisadiyyat naziri Şahin Mustafayev deyib.
Nazir qeyd edib ki, hazırda Astara-Astara sərhəd-keçid məntəqəsinin ərazisində, Astara çayı üzərində avtomobil körpüsünün və piyada keçidinin tikintisi haqqında saziş hazırda müzakirə mərhələsindədir.
Ş.Mustafayev İran-Azərbaycan-Rusiya və İran-Azərbaycan-Gürcüstan elektrik enerjisi sistemlərinin birləşdirilməsindən də danışıb: "Düşünürəm ki, Azərbaycan, İran və Türkiyə elektrik enerjisi dəhlizinin yaradılması məqsədilə tədbirlər həyata keçirə və üçtərəfli enerji əməkdaşlığını genişləndirə bilərlər".
Şərhlər
Şərhləri göstər Şərhləri gizlət