Azərbaycan atalar sözləri - N hərfi
- Nabələdə gün də buluddur.
- Nacins ağac düyünlü olar.
- Nacins qarpızın toxumu çox olar.
- Nadan əlindən su içmə,ab-həyat olsa da.
- Nadanı kötək düzəldər, qozbeli qəbir.
- Nadanın düşməni özüdür.
- Nadiri taxtda görüb, Şah Abbası qundaqda.
- Nahaq qan yerdə qalmaz.
- Naxır yerli-dibli yoxdur, bu, ala dana axtarır.
- Naxırçı qızı naxırçı çörəyi arzular.
- Naxırçı qızından xanım olmaz.
- Naxırçı qızını verdi, torpa dağarcığı da üstəlik.
- Naxırçının könlü naxır çörəyi istər.
- Nakəsə borclu olma.
- Naqqa balıq tasa yerləşməz.
- Naqqalar olmasaydı, dünya laləzara dönərdi.
- Nağd alverdən ətir iyi gələr.
- Nağdı əldən vermə. (Nağdı qoyub nisyənin dalınca düşmə).
- Nağıl dili yüyrək olar.
- Nalını almamış mıxını çalma.
- Namaz qıla-qıla yıxdın evimi, indi başlamısan həccə getməyə.
- Namaza meyli olanın qulağı azanda olar.
- Namazdan əvvəl boğazdır.
- Namazı əkib, orucluğa gedir.
- Namə vüsalın yarısıdır.
- Namə yazmaq asandır, yetirmək çətin.
- Namərd körpüsündən rahat keçincə, qoy aparsın o sellər məni.
- Namərd gəlib mərd olmaz, yüz ətəklə, yüz yalvar.
- Namərdə yaxa vermə, mərdə arxa ol.
- Namərdə möhtac olma.
- Namərdin çörəyi dizinin üstə olar.
- Namərdin gözü dar olar.
- Namərdin sözünü söz eləmək olmaz.
- Nə ağacı tovla, nə iti hürdür.
- Nə biçinin biçirəm, nə ayranın içirəm.
- Nə daş atdın ki, qolun da ağrısın.
- Nə dəvənin südün istə, nə ərəbin üzün gör.
- Nə diriyə hay verər, nə ölüyə pay.
- Nə əkərsən, onu biçərsən.
- Nə gələndən üz çevir, nə gedəni qovan ol.
- Nə qanır, nə də qandırır.
- Nə qorx, nə də qorxunu ürəyindən çıxart.
- Nə qoyuna gedər, nə qapıda hürər.
- Nə sal ilədir, nə mai ilədir, gülüm, ululuq kamal ilədir.
- Nə şeytan görüm, nə qulfallah oxuyum.
- Nə şiş yansın, nə kabab.
- Nə titrərsən, əllərim, verməyincə ala bilməzsən.
- Nə tökərsən aşına, o da cıxar qaşığına.
- Nə ucudu, nə ortası, qırılıb qarın qartası.
- Nə umursan bacından, bacın ölür acından.
- Nə varlıya borclu ol, nə yoxsuldan alacaqlı.
- Nə versən adındı, nə yesən dadındı, qalanı yadındı.
- Nə yada sirrini ver, nə namərdə bel bağla.
- Nə yaraşır arığa, gedə girə qoruğa?
- Nə yardan doyur, nə əldən qoyur.
- Nə yaş olub sıxılmalı, nə quru olub qırılmalı.
- Nə yatdı ki, nə yuxu görsün?!
- Nə yatdıq, nə uzandıq, hazır oğlan qazandıq.
- Nə yoğurdum, nə yapdım, hazırca kökə tapdım.
- Nə zalım ol asıl, nə miskin ol basıl.
- Nisyə - girməz kisəyə.
- Niyyətin hara - mənzilin ora.
- Nökər nədi, bekar nədi.
- Nökərsən, niyə bekarsan? Aç qapını, ört qapını.
- Nuh deyər, peyğəmbər deməz.
Şərhlər
Şərhləri göstər Şərhləri gizlət