“Avroviziya 2024”də ölkəmizi təmsil edəcək digər şəxsin adı məlum oldu

Azərbaycanı “Avroviziya 2024” mahnı müsabiqəsində Fahree (Fəxri İsmayıl) və müğənni İlkin Dövlətov təmsil edəcəklər.

Ens.az Oxu.az-a istinadən xəbər verir ki,bu barədə İlkin Dövlətov sosial media hesabında məlumat verib.

O, beynəlxalq mahnı müsabiqəsində səsləndiriləcək mahnının muğam hissəsini oxuyacaq.

“Avropa, gözlə, muğam gəlir”, - deyə İlkin bildirib.

Qeyd edək ki, bu il yarış 7-11 may tarixlərində İsveçin Malmö şəhərində keçiriləcək. Təmsilçilərimiz birinci yarımfinalın ikinci hissəsində çıxış edəcəklər.