Ayda çəkilən görüntülər hərraca çıxarılıb - səhvən 217 dollara satılmışdı...

"Apollo 11-in aya enişinin bu günə qədər qalan ən yaxşı NASA video kaseti qeydləri Nyu-Yorkdakı açıq hərracda 1.8 milyona satıldı".

Metbuat.az xarici mediaya istinadən xəbər verir ki, bu məlumatı "Sotheby's" hərrac evi sosial mediada paylaşıb. Bu günə qədər qorunan 3 orijinal kasetdə cəmi 2.5 saatlıq görüntü mövcuddur. Görüntülərdə Nil Armstonqun Aya ilk ayaq basdığı anlar və ABŞ-ın o zamandakı prezidenti Riçard Niksonun nitqi yer alır.

Görüntülərin olduğu kasetlər 1976-cı ildə NASA təcrübəçisi Qari Corca bir səhv nəticəsində digər 65 kasetin içində 217 dollar 77 sentə satılmışdı. NASA-dan aldığı kasetlərin bəzilərini yerli televiziya kanallarına satan Corc bu 3 kaseti atasının tövsiyyəsi ilə özündə saxlamışdı. Aya ayaq basılmasının 50-ci ildönümü münasibəti ilə NASA bu kasetlərin axtarışına çıxmış, bu zaman Corc həmin kasetlərin əlindəki kasetlər olduğunu anlamışdı.