“Ayıltmadı qələmim Şu türk ilə əcəmi” – Əli bəy Hüseynzadə
“Yurd qayğusu”
Ucundadır dilimin
Həqiqətin əzəmi.
Nə qoydular söyləyim,
Nə kəsdilər dilimi!
Bilirmisən cahillər
Nə etdilər vatana?
Nə qoydular uyusun,
Nə qoydular uyana.
Böylə durmaq uyuşuq,
Rəvamı bir diriyə!?
Nə getmədə iləri,
Nə dönmədə geriyə.
Düşman qırar qapıyı
Biz içərdə qayğusuz.
Nə evləri ayırır,
Nə bir evli oluruz.
Ayıltmadı qələmim
Şu türk ilə əcəmi.
Nə qoydular yazayım,
Nə qırdılar qələmi.
Mənbə: Senet.az
Şərhlər
Şərhləri göstər Şərhləri gizlət