![Azərbaycanın rayonlarında sərt karantin rejimi ləğv edilir? - Baş infeksionistdən AÇIQLAMA](https://ens.az/images/news/azerbaycanin-rayonlarinda-sert-karantin-rejimi-legv-edilir-bas-infeksionistden-aciqlama.png)
Azərbaycanın rayonlarında sərt karantin rejimi ləğv edilir? - Baş infeksionistdən AÇIQLAMA
Xəbər verdiyimiz Azərbaycanda 13 rayon və şəhərdə sərt karantin rejimi tədbiq edilir. Bir neçə gün öncə Ümumdünya Səhiyyə Təşkilatı bütün ölkə üzrə sərt karantin rejiminin ehtiyac olmadığı ilə bağlı açıqlama vermişdi. Növbəti mərhələdə Azərbaycanda Bakı şəhərindən başqa 12 rayon və şəhərdə sərt karantin rejimi ləğv edilə bilərmi?
Ens.az xəbər verir ki,bununla bağlı fikirlərini KONKRET.az-a bildirən Azərbaycanın baş infeksionisti Cəlal İsayev bildirib ki, tək Bakıda deyil, regionda da yoluxanların sayını nəzərə almaq lazımdır:
“Əgər bölgələrdə yoluxanların sayı minimuma düşərsə, Operativ Qərargah rayonlarda karantin rejiminin ləğv edilməsi barədə düşünə bilər. Koronavirus “şəhərdə var, rayonlarda yoxdur” fikiri tamamilə yanlışdır. Azərbaycan balaca ölkədir. Hər tərəfə yayılma ehtimalı çox yüksəkdir. Son vaxtlar yoluxma sayı yüksəlməkdədir. Bu, bir daha onu sübut edir ki, koronavirusa barmaqarası yanaşmaq olmaz. Çünki yenidən yoluxanların sayı artıb, bizi çətin vəziyyətə sala bilər”.
Cəlal İsayev fikrini belə tamamlayıb:
“İnsanlarımızın istər sərt karantin rejimində, istərsə də yumşalmalar zamanı koronavirusa görə qoyulan qaydalara əməl etməsi vacibdir”.
Şərhlər
Şərhləri göstər Şərhləri gizlət