Babayeva Sürəyyə Lətif qızı

Babayeva Sürəyyə Lətif qızı - "20 Yanvar Şəhidi"

Sürəyyə Babayeva - 20 yanvar şəhidi. Azərbaycan Respublikasının Prezidentinin 31 mart 1998-ci il tarixdə fərmanı ilə ölümündən sonra 20 Yanvar Şəhidi fəxri adı verilmişdir.

1913-cü ildə İmişli rayonunda anadan olub. Oğlu ilə birgə Biləcəri qəsəbəsində yaşayıb. Yanvarın 22-də saat 17.25 dəqiqədə Biləcəri şosesində hərəkət edən hərbi zirehli maşınlardan və tanklardan buradakı binalar atəşə tutulmuş, mətbəxdə xörək hazırlayan 77 yaşlı Sürəyya Babayeva aldığı yaradan yerindəcə həlak olmuşdur. Bina 5 dəqiqədən çox avtomat və pulemyotlardan atəşə tutulmuş, 76-cı mənzildə yaşayan Mürsəl Əsgərov da yaralanmışdır. Mənzillərdə avtomat və pulemyot güllələrinin yeri qalır. İmişli rayonunda dəfn edilib.

Ünvan

Bu ünvanda yaşamışdır: Bakı, Biləcəri qəsəbəsi, Tbilisi şosesi, ev 1a, mənzil 29.