Bakıda daha bir müəllim koronavirusun qurbanı oldu

“Bu səhəri kollektivimiz çox üzücü xəbərlə açdı. Məktəbimizin sevimlisi, ən cəsarətli və işgüzar üzvü olan, savadlı rus dili müəllimimizi Əmirova Sayad Bəşir qızını itirdik”.

Ens.az Bizimyol.info-a istinadən xəbər verir ki, bunu Nərimanov rayonu Novruzov qardaşları adına 36 saylı tam orta məktəbin direktoru Emilya Səfərəliyeva bildirib.

Məktəb direktoru qeyd edib ki, müəllimə koronavirusdan vəfat edib: “O, çox mübariz bir insan, fədakar ana, qayğıkeş müəllim idi. COVİD-19 onun cavan həyatına son qoydu. Allahdan ona rəhmət, əzizlərinə səbir,təmkin diləyirəm. Məkanın cənnət olsun, gözəl insan”.