Bakıda ortaaylıq əməkhaqqı artıb

Cari ilin yanvar-oktyabr aylarında Bakı şəhərində muzdla işləyənlərin ortaaylıq nominal əməkhaqqı 1357.5 manat təşkil edib.

Ens.Az Bakı şəhər Statistika İdarəsinə istinadən xəbər verir ki, paytaxt üzrə orta əməkhaqqı 2024-cü ilin müvafiq dövrü ilə müqayisədə 8.5 faiz artıb.

Ümumilikdə ölkə üzrə 2025-ci ilin yanvar-oktyabr aylarında muzdlu işçilərin ortaaylıq nominal əməkhaqqı əvvəlki ilin eyni dövrünə nisbətən 9.4 faiz artaraq 1086.3 manata çatıb.