Baş Dövlət Texniki Nəzarət Xidməti tərəfindən yeddi ay ərzində 8688 ədəd kənd təsərrüfatı texnikası qeydə alınıb

Kənd Təsərrüfatı Nazirliyi yanında Baş Dövlət Texniki Nəzarət Xidməti tərəfindən 2018-ci il avqustun 13-dək texnikanın qeydiyyata alınması üçün 8688, sürücülük vəsiqəsinin verilməsi üçün 1356, sürücülük vəsiqəsinin dəyişməsi üçün 2051 müraciət daxil olub və bu müraciətlər yerinə yetirilib.

Bunu AZƏRTAC-a müsahibəsində Kənd Təsərrüfatı Nazirliyi yanında Baş Dövlət Texniki Nəzarət Xidmətinin rəisi Ağakişi Alıyev deyib.

Xidmət rəisi bildirib ki, bu dövrdə 600-dən artıq inzibati xəta törətmiş fiziki və hüquqi şəxslər barəsində protokol tərtib edilib, 20 mindən çox texnika dövlət texniki baxışdan keçirilib.