Beynəlxalq Valyuta Fondundan Azərbaycanla bağlı proqnozlar

Beynəlxalq Valyuta Fondundan Azərbaycanla bağlı proqnozlar

Beynəlxalq Valyuta Fondu (BVF) 2018-ci ildə Azərbaycanda ümumi daxili məhsulun 1,3 faiz artımını proqnozlaşdırır.

Trend-in məlumatına görə, bu barədə “World Economic Outlook” hesabatında deyilir.

2019 və 2023-cü illər üçün artım proqnozu müvafiq olaraq 3,6 və 2 faiz təşkil edir.

MDB regionu üçün proqnozlar isə 2018-ci il üçün 2,3 faiz, 2019-cu il üçün 2,4 faiz təşkil edib.

BVF-nin 2018-2019-cu illərdə dünya iqtisadiyyatının artımını 3,7 faiz həcmində proqnozlaşdırır. Analitiklər qeyd edir ki, 2016-cı ilin ortalarından başlayan dayanıqlı artım davam edir. Bununla belə, 2018-2019-cu illərdə artım 2017-ci ilin səviyyəsində qeydə alınacaq.