Bəzi məktəblərdə 9 gün dərs olmayacaq

Bu gün bəzi məktəblərdə son dərs günüdür.

Ens.az Oxu.az-a istinadən xəbər verir ki, beşgünlük iş həftəsi ilə fəaliyyət göstərən ümumi təhsil müəssisələrində sabahdan etibarən payız tətili başlayır.

Həmin məktəblərdə oxuyan şagirdlər üçün tətildən sonrakı ilk dərs günü noyabrın 23-ü olacaq.

Altıgünlük iş həftəsi ilə fəaliyyət göstərən ümumi təhsil müəssisələrində isə payız tətili noyabrın 16-da başlayacaq. Bu məktəblərdə ilk dərs günü noyabrın 21-i olacaq.

Qeyd edək ki, payız tətili ümumi təhsil müəssisələrinin məktəbəhazırlıq qruplarına da şamil edilir.