Bir çox xəstəliyi müalicə edən masaj

İnsan orqanizmində 12 cüt kəllə-beyin mərkəzləri var, onlardan 5-i ağız boşluğunda yerləşir. Bu nöqtələrin masajı sağlamlığa çox müsbət təsir göstərir.

Publika.az xəbər verir ki, isti dəsmalla masaj limfalarda qan dövranını yaxşılaşdırır, bioloji aktiv nöqtələri stimullaşdırır, dişlərin ağız və selikli qişanın vəziyyətinə müsbət təsir göstərir. Bu növ masaj tənəffüs, eşitmə problemləri və yaddaş pozulmasına qarşı çox faydalıdır, çeynəmə və udma zamanı yaranan ağrını, həmçinin xorultunu aradan qaldırır, nitqin yaxşılaşmasına, qlaukoma, katarakta və göz təzyiqinə kömək edir. Bundan başqa, masaj dərinin vəziyyətinə müsbət təsir edir, əzələləri rahatlaşdırır.

Balaca bir dəsmalı büküb isti duzlu suya (1 stəkan suya 1 çay qaşığı duz) batırın. Dəsmalı sıxıb masaja başlayın. Bunun üçün dəsmalı kənardan tutub çənənin altına qoyun, sonra əlinizlə onu kəskin şəkildə müxtəlif tərəflərə çəkin. Bu zaman dəsmal buxağa dəyməlidir. Təxminən 100 dəfə etmək lazımdır. Zərbələrin buxağın yan səthlərinə dəyməsinə diqqət edin. Zərbələrin gücünə gəldikdə isə elə tənzimləyin ki, həm çox zəif, həm də çox güclü olmasın.

Masajı yerinə yetirən zaman diqqət edin ki, o, isti olsun. Əgər soyuyubsa, yenidən isti suya salın.