Bitkoinin dəyəri kəskin bahalaşıb

Hərrac sessiyasında Bitkoinin dəyəri 2021-ci ilin dekabrın 2-dən bəri ilk dəfə 56 min ABŞ dollarını ötüb.

Ens.az Report.az-a istinadən xəbər verir ki,  bunu “Coindesk” ticarət platformasının məlumatları göstərir.

Belə ki, Bitkoinin dəyəri 9,68% artaraq 56,467 dollara yüksəlib.

Saat 06:33-ə olan vəziyyətə görə, baş kriptovalyutanın dəyəri artaraq 56,142 dollar (+9,12%) səviyyəsində olub.

“Bitkoin” blokçeyn texnologiyasına əsaslanan eyniadlı kriptovalyutanın mərkəzləşdirilməmiş sistemidir və istənilən istifadəçi - sistemin üzvü tərəfindən buraxıla bilər. Bunun üçün sistemin yeni bloklarını yaratmalısınız.

Sistemin konsepsiyası 2008-ci ilin noyabrında Satosi Nakamoto təxəllüslü şəxs tərəfindən nəşr edilib. “Bitkoin”in populyarlığının zirvəsi yalnız son illərdə qeyd olunur. “Bitkoin” tədarükü təbii olaraq məhduddur.