Bu kəndlərə ilk dəfə elektrik enerjisi verilir

Masallının ucqar dağ kəndləri olan Dico və Ulum kəndləri ilk dəfə elektrik enerjisi ilə təmin olunacaq.

Ens.az Axar.az-a istinadən xəbər verir ki, bu barədə Masallı Rayon İcra Hakimiyyətinin məlumatında deyilir.

Bildirilib ki, Nazirlər Kabineti tərəfindən sözügedən kəndlərə elektrik enerjisi xəttinin çəkilməsi istiqamətində qərar qəbul edilib. Rayon mərkəzindən 20-25 kilometr aralıda yerləşən Miyankü kənd inzibati ərazi dairəsinə daxil olan Dico və Ulum kəndlərinin yaxın zamanda elektrik enerjisi ilə təmin olunması prosesinə başlanılacaq.