Koronavirus infeksiyasının ən ağır gedişi I və II tip şəkərli diabet xəstələrində izlənilir.
ABŞ-da Xəstəliklərə Nəzarət və Qarşısının Alınması Mərkəzi alimlərinin fikrincə, koronavirus infeksiyasının ən ağır gedişi I və II tip şəkərli diabet xəstələrində izlənilir.
Ens.az portalının məlumatına görə, San-Fransiskodan olan mütəxəssislər genişmiqyaslı araşdırma apararaq, pandemiyanın bütün dövrləri üçün məlumatları araşdırıblar. Nəticələrə əsasən , COVİD-19 virusuna yoluxmuş diabet xəstələrinin xəstəxanaya yerləşdirilmə tələbi başqalarından 6 dəfə, ölüm sayı isə 12 dəfə çoxdur. Fəsadların şiddəti baxımından bu endokrin xəstəlik ürək-damar xəstəliklərindən sonra ikinci yerdədir.
Bilindiyi kimi, diabet özü- özlüyündə çox təhlükəlidir və bütün bədənə ciddi təsir göstərir. O insult, miokard infarktı, podaqranın inkişafı və böyrək xəstəliyinə, həmçinin bulanıq görməyə səbəb ola bilər. Bundan əlavə, qan şəkərinin yüksək olması immunitetin zəifləməsinə gətirib çıxarır. Bununla əlaqədar olaraq alimlər vurğulayıblar ki, şəkərli diabet xəstəliyi müsaiyət olunan koronaviruslu xəstələrlə daha diqqətli olunmalıdır və hipoqlikemiyanın inkişaf etməməsi üçün nəzarət edilməlidir." Pandemiya, güc və vasitələri endokrin xəstələrə köməkdən yayındırmamalıdır" deyə araşdırma müəllifləri əminliklə bildiriblər.
Xatırladaq ki, bütün pandemiya dövründə, 27 iyul 2020-ci il tarixinədək , COVID-19-dan 648,637 nəfər ölüb, yoluxmuşların sayı 16,3 milyonu keçib. Statistikaya görə 4,2 milyonu keçən yoluxma sayı ilə ABŞ böyük üstünlüklə birinci yerdə, Braziliya 2.4 milyon ilə ikinci, Hindistan isə 1.4 milyon ilə üçüncü yerdədir . 818 min rəqəmlə Rusiya dördüncü yerdədir.
Mənbə: www.passion.ru
Şərhlər
Şərhləri göstər Şərhləri gizlət