![DİM-də vətəndaş qəbulu dayandırılır](https://ens.az/images/news/e01c371899a1a8dd0caf3308cbbb6f73.jpg)
DİM-də vətəndaş qəbulu dayandırılır
Buraxılış (qəbul) imtahanlarının keçirilməsi ilə əlaqədar Dövlət İmtahan Mərkəzinin (DİM) Bakı şəhərində yerləşən inzibati binalarında və rayonlarda olan regional bölmələrində 18 və 19 iyun 2020-ci il tarixlərində vətəndaşların qəbulu həyata keçirilməyəcək.
Bu barədə DİM məlumat yayıb.
Bildirilib ki, 18 və 19 iyun tarixlərində DİM-də yalnız imtahan prosesinin idarə olunması və gedişinə nəzarət etmək üçün operativ qərargah fəaliyyət göstərəcək.
Vətəndaşların qəbulu 22 iyun və daha sonrakı iş günlərində (imtahan günləri istisna olmaqla) davam etdiriləcək.
Xatırladaq ki, DİM-in Bakı şəhərində yerləşən inzibati binalarında və rayonlarda yerləşən regional bölmələrində vətəndaşların qəbulu Mərkəzin internet saytı vasitəsilə yalnız əvvəlcədən onlayn növbə götürməklə həyata keçirilir.
Vətəndaşlardan zəruri hallarda onlayn növbə götürmək və xidmət mərkəzlərinə yaxınlaşmaq xahiş olunur.
Tibbi maskasız müraciət edənlərin qəbulu həyata keçirilmir.
Mənbə: Oxu.az
Şərhlər
Şərhləri göstər Şərhləri gizlət