Dövlət Miqrasiya Xidməti vətəndaşların müraciətlərinin qəbuluna başladı

Dövlət Miqrasiya Xidməti Azərbaycan Respublikasında olan və yaşayan əcnəbilərin, vətəndaşlığı olmayan şəxslərin və Azərbaycan Respublikası vətəndaşlarının müraciətlərinin qəbulu günlərini açıqlayıb.

Ens.az xəbər verir ki, Xidmətdən 1news.az-a verilən məlumatda bildirilir ki, adıçəkilən şəxslərin müraciətləri 20 avqust 2020-ci il tarixdən etibarən həftənin I-V günləri saat 09:00-dan 18:00-dək (13:00-dan 14:00-dək nahar fasiləsi) Azərbaycan Respublikası Dövlət Miqrasiya Xidmətinin mərkəzi aparatında və regional miqrasiya idarələrinin (Bakı şəhər regional miqrasiya idarəsi istisna olmaqla) inzibati binalarında qəbul ediləcək.