Əhalinin banklarda nə qədər əmanəti var?

Mərkəzi Bankın məlumatına görə, əhalinin banklardakı əmanətlərinin məbləği il ərzində 10,0 faiz artaraq 2024-cü il fevral ayının 1-nə milli valyuta ekvivalentində 13116,2 milyon manat təşkil edib.

Bu barədə “Qafqazinfo”ya Dövlət Statistika Komitəsindən (DSK) məlumat verilib.

Qeyd olunub ki, əmanətlərin 65,0 faizi milli, 35,0 faizi xarici valyutada qoyulub.

Milli valyutada olan əmanətlərin məbləği əvvəlki ilin eyni dövrü ilə müqayisədə 16,9 faiz artıb, xarici valyutada qoyulmuş əmanətlərin məbləği isə 0,9 faiz azalıb.