Ens.az saytında məqalə yerləşdirmək çox asan və faydalıdır

Ens.az saytı hər kəsə sayta 4 dildə məqalə, foto və video qalereya yerləşdirmək fürsəti verir. Bununla siz yazılarınızı geniş oxucu kütləsinə çatdıra bilərsiniz. Bu məqalədə sizə bunun necə asan olduğunu izah edəcəyik.

Sayta məqalə əlaqə etmək üçün ilk növbədə qeydiyyatdan keçmək lazımdır. Bunun üçün saytın sağ yuxarı hissəsində “daxil ol” düyməsindən istifadə edərək qeydiyyat və giriş səhifəsinə keçmək lazımdır. Əgər daha əvvəl qeydiyyatdan keçibsinizsə, onda email və şifrənizi yazıb sayta daxil ola bilərsiniz, əks halda ad, soyad, email və şifrə daxil edib qeydiyyatdan keçə bilərsiniz. Qeydiyyatdan keçdikdən sonra göstərdiyiniz email ünvanına gələn məktubdakı linkə keçib aktivləşdirmək mütləqdir. Əks halda saytda istifadəçi imkanlarından istifadə etmək mümkün olmayacaq. Facebook sosial şəbəkəsində profili olanlar “facebook ilə bağlan” düyməsi ilə sayta heç bir məlumat doldurmadan daxil ola bilərlər. Qeydiyyatdan keçdikdən sonra istəyə görə profil məlumatlarının doldurulması daha yaxşı olardı. Bunun üçün sayta daxil olduqdan sonra sağ yuxarı hissədə qeydiyyat ad soyadının göstərildiyi hissədə “dəyişdir” düyməsini basıb profil nizamlama səhifəsinə keçmək lazımdır.

Profil məlumatlarını nizamladıqdan sonra saytın sağ yuxarı hissəsindəki menyudan “redaktor paneli”nə keçmək lazımdır. Bu səhifəyə keçdikdə “məqalə redaktoru olmaq istəyirəm” düyməsini basaraq, redaktorluq müraciətinizi edə bilərsiniz. Saytın administratoru tərəfindən bu istək təsdiqləndikdən sonra artıq eyni səhifədə “məqalə əlavə et” düyməsi aktiv olacaqdır. Bundan sonra məqalə üçün başlıq, geniş başlıq, 700x400 ölçüsündə əsas şəkil, mətn və mətn içərisində şəkillər, müəllif, mənbə linki və adı əlavə etməklə və kateqoriya seçməklə onu təsdiq üçün göndərmək lazımdır. Həmçinin məqalə ensiklopedikdirsə, məqalə əlavə edərkən “ensiklopediyaya əlavə et” seçimini aktivləşdirmək lazımdır. Məqalə administrator tərəfindən təsdiqləndikdən sonra artıq aktiv olacaq və hər kəs üçün əlçatan olacaq.

Əlavə olunmuş məqalələri istənilən vaxt profilə daxil olaraq redaktə edə bilərsiniz. Bu zaman yenidən administratorun təsdiqi lazım olacaq. Həmçinin əlavə olunmuş məqalələr içərisində axtarış aparmaq mümkündür.

Qeyd edək ki, hər dil ayrıca fəaliyyət göstərdiyi üçün hər dil üçün məqalə əlavə etmək müraciətini ayrıca göndərmək lazımdır.

Sonda onu qeyd edək ki, Ens.az saytına əlavə olunmuş özəl məqalə müəllifləri sayta verdiyi töhfəyə uyğun olaraq mütəmadi şəkildə mükafatlandırılır.

Hər hansı sual yaranarsa,  info@ens.az saytına, facebook-dakı facebook səhifəmizə və ya saytdakı əlaqə nömrəsinə zəng etməklə və ya formanı doldurmaqla müraciət edə bilərsiniz.