Fatih Birol: Azərbaycanda 20 il ərzində qaz istehsalı üç dəfə artacaq

Azərbaycan regionda və Avropada energetika bazarında vacib oyunçudur. 

Oxu.Az xəbər verir ki, bunu Beynəlxalq Enerji Agentliyinin icraçı direktoru Fatih Birol deyib.

O bildirib ki, TANAP və TAP qaz kəmələrinin tikinti layihələri çox mühümdür və qaz tədarükünün şaxələndirilməsinə töhfə verir:

“Bəzi ölkələrdə layihə ilə bağlı (TAP - İF) bəzi məsələlərin olmasına baxmayaraq, əminəm ki, bu layihə reallaşdırılacaq”. 

F.Birol qeyd edib ki, Azərbaycanda 20 il ərzində qaz (əmtəə - İF) istehsalı üç dəfə - hazırkı 18 mlrd. kubmetrdən 55 mlrd. kubmetrə qədər artacaq.