FHN Azərbaycanda baş verən zəlzələ ilə bağlı MƏLUMAT YAYDI

Zəlzələ nəticəsində hər hansı dağıntı və ya insan xəsarəti barədə bu vaxtadək Fövqəladə Hallar Nazirliyinə (FHN) məlumat daxil olmayıb.

Ens.Az xəbər verir ki, bu barədə FHN məlumat yayıb.

Bildirilib ki, zəlzələ episentrdə 5 bala yaxın, ətraf rayonlarda isə 3-4 bala qədər hiss olunub.

FHN-in məlumatına görə, Azərbaycan Milli Elmlər Akademiyası nəzdində Respublika Seysmoloji Xidmət Mərkəzindən qurumun Böhran Vəziyyətlərində İdarəetmə Mərkəzinə daxil olan məlumata əsasən, avqustun 14-də yerli vaxtla saat 20:56-da Quba rayonu ərazisində, 13 kilometr dərinlikdə 4.9 maqnitudalı zəlzələ qeydə alınıb.

Zəlzələ nəticəsində hər hansı dağıntı və ya insan xəsarəti barədə bu vaxtadək FHN-ə məlumat daxil olmayıb.