Fransa Ukraynaya hərbçi göndərmək istəyən ölkələrin ittifaqını yaradır

Fransa Qərb ölkələrindən Ukraynaya hərbçi göndərməyə hazır olan ölkələrin alyansını yaradır.

Ens.az Redaktor.az-a istinadən xəbər verir ki, bu barədə “Politico” nəşri məlumat yayıb.

“Fransa Ukraynaya Qərb qoşunlarını göndərmək istəyən ölkələrin ittifaqını yaradır və bununla da sözügedən məsələdə ehtiyatlı davranan rəsmi Berlinlə qarşıdurmanı dərinləşdirir”, - deyə nəşrin məlumatında deyilir.

Xatırladaq ki, bir müddət öncə Fransa Prezidenti Emmanuel Makron bildirib ki, Qərb ölkələrindən Ukraynaya qoşun yeridilməsi ehtimalı istisna oluna bilməz.