Hacı Şahinin anım mərasimi keçirilir

Bu gün mərhum ilahiyyatçı hacı Şahin Həsənlinin anım mərasimidir.

Ens.az Oxu.az-a istinadən xəbər verir ki, anım mərasimi Təzəpir məscidində keçirilir.

Mərasimdə mərhumun yaxınları ilə yanaşı, media, ictimaiyyət nümayəndələri, ilahiyyatçılar iştirak edirlər.

Xatırladaq ki, hacı Şahin Həsənli 2023-cü il mart ayının 2-də səhər saatlarında 48 yaşında ürək çatışmazlığından vəfat edib. Hacı Şahin Həsənli Qafqaz Müsəlmanları İdarəsinin (QMİ) səlahiyyətli nümayəndəsi idi.