Hakerlər Makronun elektron poçtunu açıqladı

Fransa Prezidenti Emmanuel Makronun elektron poçt hesabı hakerlər tərəfindən açıqlanan 773 milyon istifadəçinin hesabının olduğu siyahıda yer alıb.

Axar.az xəbər verir ki, bu barədə “Le Jurnal du Dimanş” nəşri informasiya yayıb.

Məlumata görə, Yelisey sarayından prezidentin belə bir hesabı olması faktı təsdiqlənib. Prezidentin bu hesabı şəxsi danışıqları üçün istifadə etdiyi və hesabın şifrəsinin mütəmadi olaraq dəyişdirildiyi, Makronun yazışmalarının təhlükəsizliyinə hər hansı bir təhdid olmadığı bildirilib. Emmanuel Makronun bütün məlumatları şifrələyərək yaddaşda saxlayan smartfon telefondan istifadə etdiyi qeyd olunub.