Həkim qaragilənin qidalanma rasionundakı əhəmiyyətindən danışdı

Qaragilə yalnız ləzzətli yay giləmeyvəsi deyil, həm də sağlamlıq üçün son dərəcə faydalı bir qidadır. Rusiyalı həkim-diyfetoloq və endokrinoloq Anton Polyakov bu giləmeyvənin orqanizmə xeyri və nə üçün gündəlik rasiona daxil edilməsinin vacibliyi barədə danışıb.

Ens.az Oxu.az-a istinadən xəbər verir ki, bu barədə aif.ru saytı məlumat yayıb.

"Qaragilənin tərkibində iltihabəleyhinə təsirə malik, qocalma prosesini ləngidən, hüceyrələrin oksidləşməsinin qarşısını alan və damarların sağlamlığını dəstəkləyən bol miqdarda antioksidantlar var", - deyə A.Polyakov qeyd edib.

Ekspertin sözlərinə görə, qaragilədə C vitamininin miqdarı göy giləmeyvəyə (qarağata) nisbətən daha yüksəkdir. Bu vitamin damarları gücləndirməyə kömək edir və immun sisteminin stabil fəaliyyətini təmin edir. Mütəxəssis, həmçinin bu giləmeyvənin K və A vitaminləri daxil olmaqla, bir sıra digər dəyərli maddələrlə də zəngin olduğunu vurğulayıb.