Həkimlər COVID-19 virusunun ilk əlamətlərini sadaladılar

Epidemiyanın sürətlə yayıldığı bir vaxtda xəstəliyin ilkin əlamətlərinə tez bir zamanda reaksiya vermək son dərəcə vacibdir. Həkimlər koronavirusa görə vaxtında diaqnoz qoyulması üçün ilk növbədə nələrə diqqət yetirmək lazım gəldiyini söyləyiblər.

Mütəxəssislər, infeksiyanın orqanizmə daxil olduqdan sonra üç-dörd gün ərzində tanınmasının real olduğunu qeyd edirlər. Simptomlar qrip və bronxitə müəyyən qədər bənzəsə də, əhəmiyyətli fərqlər var.

Yoluxmuş xəstə əvvəlcə boğaz ağrısı hiss edir. O nəfəs darlığı ilə müşayiət olunur, lakin bu, bir qayda olaraq, bir az sonra özünü göstərir. Bütün bunlar tez-tez quru öskürək ilə müşayiət olunur. Bundan başqa, demək olar ki, dərhal əzələlərdə və oynaqlarda ağrılar başlayır. Xəstənin hərarəti kəskin yüksəlir.

Simptomlar planlaşdırılmamış, seçici şəkildə görünən və ya ümumiyyətlə görünməyən qaydada da inkişaf edə bilər. Bir insana virus keçibsə, lakin immuniteti ona müvəffəqiyyətlə qalib gəlibsə , xəstəliyin əlamətləri çətinliklə nəzərə çarpacaq. Ancaq bu vəziyyətdə ondan başqalarına ötürülmə ehtimalı bir neçə dəfə artır.

Həm də COVID-19 əlamətləri uşaqlarda çox zəif görünür. Həmişə analizlər də dəqiq nəticə göstərə bilmir. Buna görə həkimlər hər kəsə son dərəcə diqqətli olmağı, onların tövsiyələrinə və ehtiyat tədbirlərinə əməl etməyi məsləhət görür.

Mənbə: www.menslife.com