Hollandiyanın baş naziri: "İtəyirik ki, Ukraynaya veriləcək "F-16"ların sayı daha çox olsun"

Hollandiyanın baş naziri Mark Rutte çoxdan gözlənilən "F-16" qırıcılarının Ukraynaya təhvil verilməsi ilə bağlı xoş xəbərdən məmnun qalıb.

Ens.az Bizimyol.info-a istinadən xəbər verir ki, onun sözlərinə görə, bu məsələdə irəliləyiş görmək olar. O, Münhen Təhlükəsizlik Konfransı çərçivəsində jurnalistlərə təfərrüatları açıqlayıb.

Rutte qeyd etdiyi kimi, Hollandiya tapşırığın öhdəsindən mümkün qədər tez gəlməyə çalışır, indi hər şey qrafik üzrə gedir. "Ümid edirik ki, onları mümkün qədər tez təhvil veriləcək... Bu məsələlərdə irəliləyiş var. Prinsipcə, işlər qrafik üzrə davam etdirilir. Ona görə də bu, yaxşı xəbərdir", - deyə o bildirib.

Eyni zamanda, rəsmi Ukraynanın dəqiq neçə təyyarə ala biləcəyinə aydınlıq gətirib. Rutte deyir ki, ehtimal ki, bu, 24 ədəddən çox olacaq: "Biz danimarkalılarla və başqa tərəfdaşlarla birlikdə işləyirik və istəyirik ki, bu təyyarələrin sayı 24-dən çox olsun, bəlkə də daha çox olacaq, amma az olmayacaq", - deyə Hollandiya hökumətinin başçısı qeyd edib.

Fevralın 15-də Ukrayna Müdafiə Nazirliyinin mətbuat və informasiya şöbəsinin rəhbəri İllarion Pavlyuk Ukraynaya ilk "F-16"ların tədarükü məsələsinə aydınlıq gətirib. Onun sözlərinə görə, daha müzakirə olunacaq heç nə yoxdur - bütün qərarlar qəbul edilib. İndi Ukraynanın vaxtla bağlı qeri-müəyyənliyi var, lakin dövlət çatdırılma tarixini rəsmi olaraq elan etməyəcək.

Bunu Ukrayna Dövlət Kəşfiyyat Xidmətinin rəhbəri Kirill Budanov da qeyd edib. "Alınacaq "F-16"lara gəlincə, məsələ həll olunub, məncə, bunu hamı bilir. Burada (Ramşteyndə) təfərrüatlar var idi, lakin onlar texniki məsələlərlə bağlıdır”, - deyə o bildirib.