“İcbari tibbi sığorta vasitəsilə vətəndaş stasionar və təcili yardımda hər növ dərmanla təchiz olunur. Ambulator xidmətdə isə birinci il üçün biz bunu nəzərdə tutmamışıq”.
Ens.az Oxu.az-a istinadən xəbər verir ki,bunu İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev icbari tibbi sığorta ilə dərman preparatlarının əldə edilməsinin mümkünlüyü barədə danışarkən deyib.
Lakin, o bildirib ki, növbəti illərdə dərman təminatının da xidmətlər zərfinə daxil edilməsi agentliyin planları arasındadır:
“Nəyə görə biz bunu birinci ildə nəzərdə tutmamışıq? Çünki, ilk ildə bizim daxilolmalar və xərclərlə bağlı müəyyən proqnozlarımız var idi. Lakin biz bunu bir il tam işləməli idik. 2020-ci ildə tam icbari sığortanı tətbiq edə bilsəydik, o zaman həmin rəqəmlərə nəzərən uyğun qərarlar verə bilərdik. Pandemiyaya görə biz bunu bir il ertələməli olduq. Lakin, növbəti ildə nəzərdə tutulub”.
Şərhlər
Hələ təsdiqlənmiş şərh yoxdur.
Şərh yazın
Şərh yazmaq üçün hesabınıza daxil olun və e-poçtunuzu təsdiqləyin.