![İmişli “ASAN xidmət” mərkəzi fəaliyyətə başlayıb](https://ens.az/images/news/0225b7fdd5f9af9e7950cd1de9949358.jpg)
İmişli “ASAN xidmət” mərkəzi fəaliyyətə başlayıb
16 noyabr 2018-ci il tarixində Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində olan İmişli “ASAN xidmət” mərkəzi fəaliyyətə başlayıb.
İmişli “ASAN xidmət” mərkəzi İmişli, Saatlı, Biləsuvar, Beyləqan, Zərdab və Füzulirayonlarında qeydiyyatda olan 624 mindən çox vətəndaşa xidmət göstərəcək.
Hazırda 15 “ASAN xidmət” mərkəzi mövcuddur. Onlardan 5-i paytaxt Bakıda, digər 10-u isə regional mərkəzlər olmaqla Sumqayıt, Gəncə,Sabirabad,Bərdə, Qəbələ, Quba, Masallı,Mingəçevir, İmişli və Şəkidə yerləşir.
“ASAN xidmət” mərkəzlərinin fəaliyyəti ilə bağlı ətraflı məlumatı 108 “Çağrı” mərkəzinə zəng etməklə və ya www.asan.gov.az saytından əldə etmək olar.
22 oktyabr 2018-ci il tarixində Azərbaycan Respublikasının Prezidenti İlham Əliyev İmişli “ASAN Həyat” kompleksinin açılışında iştirak edib.
İmişli “ASAN Həyat” kompleksinin tikintisinə 2017-ci ilin mart ayında başlanılmışdır. 2018-ci il ilin oktyabr ayında tikinti başa çatmışdır.
İmişli “ASAN Həyat” konsepsiyası İmişli “ASAN xidmət” mərkəzi ilə yanaşı, ictimai iaşə obyektlərinin istifadəyə verilməsini də nəzərdə tutur. Belə ki, vətəndaşlar operativ və gülərüz xidmətlə yanaşı, bu konsepsiyanın istirahət və əyləncə imkanlarından da istifadə edə biləcəklər. “ASAN Həyat” kompleksi vətəndaş rahatlığı üçün, həyat standartlarının yaxşılaşdırılmasına xidmət edən müxtəlif həlləri əhatə edir.
“ASAN Həyat” kompleksinin 4 mərtəbəli, ümumi sahəsi 10 min m² olan inzibati binasında aşağıdakı obyektlər vardır:
- “ASAN xidmət”;
- ASAN Kommunal;
- “ASAN Peşə” məktəbi;
- “ABAD ofisi;
- ABAD Food Hall;
- Teatr
- Kafelər;
“ASAN xidmət” mərkəzində 11 dövlət orqanı, həmçinin özəl şirkət və müəssisələr tərəfindən ümumilikdə 300-dən çox xidmət göstəriləcəkdir.
“ASAN həyat” kompleksi üçün ayrılan 1.5 hektar ərazidə park, diskoteka, uşaq meydançası, fontan və oturacaqlar, paintball sahəsi, avtodayanacaq və digər rayonlardan gələcək vətəndaşlar üçün avtobus dayanacağı yaradılıb.
İmişli “ASAN Həyat” kompleksinin yerləşdiyi ərazidə avtomobil və velosiped dayanacağı da yaradılıb.
İmişli “ASAN Həyat” kompleksi Heydər Əliyev prospekti 4 ünvanında yerləşir.
Mənbə: Metbuat.az
Şərhlər
Şərhləri göstər Şərhləri gizlət