İranda toyda 40 nəfər koronavirusa yoluxdu

İranda toyda iştirak edənlərdə koronavirus aşkarlanıb.

İSNA xəbər verir ki, hadisə Çaharmahal-Bəxtiyari əyalətinin Ərdəl rayonunda baş verib.

Toyda iştirak edən 118 nəfərdən koronavirus testi götürülüb. Onların 40-nın testi pozitiv çıxıb.

Toy və yas mərasimlərinin koronavirusa kütləvi yoluxmaya səbəb olacağına görə sözügedən rayonda bu tip tədbirlər təşkil edənlər barədə qanuni tədbir görüləcək.

Mənbə: Oxu.az