![Kainat tarixində ən güclü partlayış oldu](https://ens.az/images/news/847b529f4df2e2bdc67fa275de5024e4.jpg)
Dərc edildi: Baxış sayı: 473
Kainat tarixində ən güclü partlayış oldu
Astronomlar qalaktikalar çoxluğunda baş vermiş ən güclü partlayışın effektini müşahidə etməyə müvəffəq olublar.
Qaynarinfo xəbər verir ki, bu barədə AMEA-nın rəsmi saytı məlumat yayıb.
Qeyd olunub ki, hadisə Yer kürəsindən 390 milyon işıq ili məsafədə qalaktikalardan birinin mərkəzində, irihəcmli qara dəliyin yanında baş verib.
Partlayışın gücü əvvəlki oxşar rekordunu təxminən beş dəfə üstələyir. Bu partlayışın kainatın yaranmasından bugünədək baş vermiş ən güclü partlayış olduğu ehtimal olunur. Partlayış qalaktikalar çoxluğunda qalaktikalararası qazın toplaşdığı ərazidə qabarcığa bənzər iz qoyub. Hadisənin səbəbləri hələlik müəyyən olunmayıb.
Partlayış zamanı yaranmış qazın qabarcığı çoxluğun yalnız bir tərəfindən müşahidə olunur. Tədqiqatın müəllifləri güman edirlər ki, keçmiş zaman ərzində qabarcığın əks tərəfi tədricən yayılaraq yox olub.
![](https://www.ens.az/images/uploads/images/903e5c03c0e005c0b8a2e67be1d45523.jpg)
Şərhlər
Şərhləri göstər Şərhləri gizlət