Kamran Tağiyev : Namizədliyimin bu dairədən irəli sürülməsi mənim üçün fəxrdir

Fevralın 9-da Azərbaycanda növbədənkənar parlament seçkiləri keçiriləcək. 13 saylı Xəzər-Pirallahı seçki dairəsindən deputatlığa namizəd Tağiyev Kamran Həsən "oglu da mandat uğrunda mübarizə aparacaq.

Tağıyev Kamran Həsən oğlu 1976-cı il oktyabrın 13-də Bakı şəhərində anadan olmuşdur. Xəzər rayonu, Buzovna qəsəbəsi, 26 saylı orta məktəbin məzunudur. Həqiqi hərbi xidmətdə olmuşdur. Azərbaycan Dövlət İqtisad Universitetinin “Beynəlxalq İqtisadi Münasibətlər”, Milli Aviasiya Akademiyasının “Beynəlxalq hüquq” fakültələrini bitirmişdir. Böyük Britaniyanın London İdarəetmə İnstitunda “İnsan Resurslarının İdarə Edilməsi” ixtisası üzrə kurs keçmişdir. İngilis, rus dillərini sərbəst bilir. 2006-2012-ci illərdə Heydər Əliyev adma Beynəlxalq Hava Limanında hüquqşünas vəzifəsində çalışmışdır. 2012-ci ildən hal hazıradək Azərbaycan Respublikası Vəkillər Kollegiyasının üzvü, fərdi vəkildir. İctimai xadim, hüquq və iqtisadiyyat üzrə mütəxəssisdir, və həmçinin Space TV-nin “Gəl dərdini danış” sosial kriminal verilişinin hüquq məsələləri üzrə ekspertidir. Facebook sosial şəbəkəsində “Vəkil məsləhəti hüquqi yardım’lqrupunun rəhbəridir.

Sizinxeber.Az Tağıyev Kamran Həsənovun seçicilərə müraciətini təqdim edir:

“Əziz seçicilər,

“Milli Məclisin üzvü olmaq mənim üçün çox böyük məsulliyyətdir. Bu məsuliyyəti dərk edərək hər bir seçicinin, məhəllənin və ərazinin mövcud problemlərinin həllində yaxından iştirak edəcəyimə söz verirəm. Vəkil kimi fəaliyyət göstərdiyim dövrdə insanların hüquqlarını məhkəmələrdə, digər orqan və təşkilatlarda müdafiə etmiş, onları narahat edən problemlərin həllinə nail olmuşam. Odur ki, hər biriniz məni öz vəkiliniz hesab edə bilərsiniz. Əmin olun ki, bir millət vəkili kimi də sizə arxa olacaq və problemlərinizin həllində sizə dəstək olacağam. Professional hüquqşünas və iqtisadçı kimi mən buna qadirəm.Seçicilər mənə etimad göstərərək, Milli Məclisə üzv seçərlərsə, həm ümumrespublika xarakterli, həm də bilavasitə deputat seçiləcəyim

Deputatlıq fəaliyyətimdə aşağıdakı əsas məsələlərin həllinə çalışacağam:

Qanunların qəbul edilməsində sosial-iqtisadi islahatların həyata keçirilməsi, vətəndaşlarımızın həyat səviyyəsinin yüksəldilməsi prinsipinin əsas götürülməsinə çalışacağam.

Ölkənin sosial-iqtisadi həyatı üçün mühüm əhəmiyyət kəsb edən qanun layihələrinin hazırlanması və qəbulunda fəal iştirak edəcəyəm.

Əmin olun ki, mənə səs verəcəyiniz təqdirdə Sizin problemlərinizi daim diqqətdə saxlayan, Sizinlə hökumət orqanları arasında etibarlı körpü olacaq, hüquqlarınızı hər zaman müdafiə edən, seçicilərinə, xalqına bağlı, dövlətimizə sədaqətli bir deputatınız, əsl təmsilçiniz, həqiqi vəkiliniz olacağam”.

[gallery size="medium" columns="1" ids="42065,42064,42068"]

Tağıyev Kamran Həsən oğlu