Koroğlu - Qənim üstə
Hay-hay deyib qənim üstə varanda,
Kəllə gərək bu meydanda qalansın,
Mərd iyidlər qovğa günü düşəndə,
Şərab deyin öz qanına yalansın.
Qaldırram meydanın göyə tozunu,
Çıxardaram yamanların gözünü,
Gərək görəm Dünya xanım üzünü,
Ömür təzələnsin, can cilvələnsin.
Koroğluyam, gədikləri pusaram,
Qancığadan qanlı başlar asaram,
Bolu bəy, sənə bir qılıiç basaram,
Bağırsağın cəmdəyinə dolansın.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət