Koronavirus göz yaşları ilə ötürülürmü?

Alimlər SARS-CoV-2 coronavirusun gözyaşları vasitəsilə yayılmasının real olmadığını aşkar ediblər. Ens.az saytının xəbərinə görə, tədqiqatın nəticələri Amerika Oftalmologiya Akademiyasının "Ophthalmology" jurnalında dərc olunub.

Məlumdur ki, koronavirus öskürək və ya asqırma ilə ifraz olunan ən kiçik damcılardan yoluxur, lakin virusun digər bədən mayeləri, məsələn, göz yaşları ilə yayıldığı bəlli deyil. Udlaq sisteminin yuxarı tənəffüs yollarından gözlərə yayıla bilən viruslar üçün bir bələdçi kimi xidmət etdiyinə dair də fərziyyə var idi.

Sinqapur Milli Universitet Xəstəxanasından olan oftalmoloqlar, ilk simptomların başlanğıcından və xəstəxanaya yerləşdirilməsindən başlayaraq, tam bərpa olunana qədər - orta hesabla 20 gün ərzində COVID-19 olan 17 xəstənin göz yaşlarının nümunələrini toplayıb təhlil ediblər. Paralel olaraq, eyni dövrdə tədqiqatçılar xəstələrin burun və boğazlarının arxasından nəzarət nümunələri götürüblər.

Nümunələr, bu gün mövcud olan ən doğru analiz metodlarından biri olan tərs transkripsiya polimeraz zəncirvari reaksiya (RT-PCR) ilə təhlil edilib. Tədqiqat müddətində heç bir göz yaşı nümunəsində SARS-CoV-2 virusu aşkar edilməyib, burun və udlaq isə virusla dolu olub.

Tədqiqatın rəhbəri İvan Seah Yu Jun qeyd edir ki, onun fikrincə virusun göz yaşları ilə ötürülmə ehtimalı çox azdır. Bu nəticənin dolayı bir təsdiqi, alimin fikrincə, tədqiqatda iştirak edən xəstələrin heç birində konyuktivit olmaması və ümumiyyətlə, koronaviruslu insanların yalnız 1/3-də göz iltihabının müşahidə edilməsidir.

Alimlər qeyd edirlər ki, virusun göz yaşlarında olmaması o demək deyil ki, gözün selikli qişası vasitəsilə insan orqanizminə daxil ola bilməz. Buna görə əllərinizlə gözlərə toxunmamağa və əllərinizi mümkün qədər tez-tez yumamağa çalışmalısınız. Nəqliyyat vasitələrində, qapı tutacaqlarında, pullarda və digər səthlərdə qalan virus gözün selikli qişasını asanlıqla yoluxdurur. Potensial yoluxmuş bir insanla yaxın təmasda olan gözləri qorumaq lazımdır ki, ondan maye hissəcikləri gözlərə girməsin.

Doktor Seah, araşdırmalarının nəticələrinin alimlərin və həkimlərin səylərini hava, damcı və nəcis-oral kimi SARS-CoV-2 virusunun ötürülməsinin digər daha vacib yollarına cəmləşdirməyə kömək edəcəyinə ümid etdiyini söyləyib.

Mənbə: ria.ru