Leyen Avropa Komissiyasının rəhbəri olaraq qalmaq istəyir

Leyen Avropa Komissiyasının rəhbəri olaraq qalmaq istəyir

Avropa Komissiyasının rəhbəri Ursula von der Leyen sözügedən posta ikinci müddət üçün namizədliyini irəli sürəcək.

“Qafqazinfo” TASS-a istinadən xəbər verir ki, bu barədə məlumatı Leyen Berlində “Xristian-Demokrat İttifaqı” partiyasının iclasında açıqlayıb.

“Bu gün tamamilə düşünülmüş qərar qəbul edirəm. İkinci müddətə namizədliyimi irəli sürmək istəyirəm”, - deyə Avropa Komissiyasının rəhbəri qeyd edib.

Qeyd edək ki, Leyen 2019-cu ilin iyununda Avropa İttifaqının sammitinin qərarına əsasən, Avropa Komissiyasının rəhbəri təyin edilib. O, 2019-cu il dekabrın 1-dən bu vəzifəni icra edir. Avropa Komissiyasının rəhbərinin növbəti səlahiyyət müddəti 2024-cü ilin dekabrından 2029-cu ilin noyabrına qədər uzadılacaq.